Roger kjem frå Sandane i Gloppen kommune. Han begynte å studere utøvande, klassisk saksofon ved lærar René Wiik i 2014. Han starta med dette rett etter fullført vidaregåande skule, der han gjekk musikklinja. Hans tidlege musikkinteresse fekk han då han starta i Gloppen Kulturskule. Han spelte først klarinett i eitt år, før han gjekk over til saksofon. Han fekk seinare smaken for korps, så då begynte han i Sandane skulekorps, og gjekk seinare over til å spele med Gloppen Janitsjar, som ved fleire anledningar har deltatt i NM i Trondheim. Når han flytta til Bergen, begynte han å spele i Dragefjellets musikkorps.